Galti hai teri nazaron ki jo badalon ko sharminda karti hai
Unke dil me khud sa banne ki chahato ko zinda karti hai
Surkh syah sa, krishna ke tan jaisa karp swaroop
aas paas mandraati, athkheliyan leti naram dhoop
Parvat ki shikha pakad kar chori se chhup ke
nihaarta in naino ko, in jaisa banne ki chahat me
Kabhi aage kabhi peechhe hawa se jhagadte huye
waqt se mangta hai aur thoda waqt, guzarte huye
Kabhi lomdi sa niharta hua, kabhi singh sa dahadta hua
Kabhi khargosh sa bach ke uchhalta hua, dheemi chaal se pighalta hua
tere naino ki shama me parwaane ki tarah jalta hua
tere chehre ki ye muskaan paake khushi se uchhalta hua
Galti hai teri nazron ki par hum unhe maaf karte hain
Kyuki teri bheegi palken (alag hi daastan bayan karti hain) kehti hain ek aur hi kahani
No comments:
Post a Comment